6/1/2010

番黎英國,啱啱一個月,呢一個月,有好大既轉變,記得一個月前,我總係終日愁眉苦臉,心事重重,但係漸漸地,我覺得呢種生活模式,過得好辛苦,於是我開始轉變一下自己思想,將困難化為轉機,勇敢面對,絕不退縮,同時思考既角度亦轉向多元化,樂觀化,經過一個月既調整,以前既憂鬱已經不再,依家每天都是Happy day,人人對我黎講都係貴人,所以我發現,以前,我真係目光太短淺、狹窄,因為先生、同學都對我好好,仲有咩要煩惱呢？

25/12/09

之前睇過套戲,個男主角坐左三十年既冤獄,終於都等到出獄既一天,之所以佢可以繼續撐下去,係因為佢仲抱住一絲既希望,出獄後,可以見番個世界、見番佢個已經成年既女兒,這套戲對我好深刻,因為同樣地我都係抱住一絲希望,希望可以回到我成長既故地,可惜,任何野原來都會隨時間改變,無論係人定係物,雖然以前曾經聽過話你目見既轉變,只係實際既一少部份,不過我唔信,仲心存僥幸覺得這一切都係別人的事,不過原來只不過係我自欺欺人、一廂情願既諗法,無辦法,改變唔既野唯有接受,人其實最怕被人呃,不過唔緊要既,反正我逗留係度都只不過十幾日,之後又會回到冰天雪地之中,好多野對我黎講已經唔重要了,惜日既往事唯有深埋心中,不勉強別人,亦無謂增加自己既痛苦

21/10/09

呢排掛住做功課、讀書已經好耐無真正打過xg了,首先首先一定要多謝我親愛的同學們,我已經收到你地的生日禮物了,非常感謝,每次打開本野,d淚水都係眼匡來回,雖然身在英國,但係份感情仍在,更加特別多謝阿堅,為我籌備這一切,數數手指,對於我這個已經活到第二十個年頭還是一無事處的人,真係有一種莫大的鼓勵…人地話去外國讀書真係好容易,唉…今次就真係上左賊船啦,根本1 d 都唔易,仲鬼死咁多功課做,生活起居麻煩就當然不在話下啦,以前好多野有人照顧,依家要自己買送,煮飯,洗衫,熨衫,唉…少d精力都死,都唔知點解d supermarket要開到咁遠,行成8個字先到,無陰公真係,黎左英國已經一個多月,各方面都算適應得唔錯,除左呢度的學習文化,係香港我地上堂通常都唔多出聲,呢度d人踴躍到唔知想點,個先生有問必答,搞到我唔出聲好似好唔好意思咁,另外d先生、學生上上下堂可以一齊講粗口,擺包煙係臺面,全部都好似好正常咁,但係我就真係有d唔慣,雖然凍對我黎講都唔算好大問題,不過一黎驚病啦,呢度睇醫生超麻煩,二黎我都係喜歡香港溫暖的天氣,睇下日曆,仲有60日先可以返黎香港,唔知返到黎我的故鄉有何改變呢……